Уг номыг нөхөн үржихүйн насны бүх эрчүүдэд эрүүл мэндийн анхан шатны мэдлэг боловсрол олгох зорилгоор бичсэн бөгөөд эрчүүдийн амьдралын хэв маяг, аж төрөх буруу дадал хэвшлийн улмаас үүдэж өвчлүүлдэг өвчин эмгэгүүд, нөхөн үржихүйн хүрээнд ойлгож мэдвэл зохих асуудлууд, эмгэг, өвчнүүд, бэлгийн эмгэгүүд, тэдгээрийг давж гарах, сэтгэл санааны хямрал эмгэгүүдээс урьдчилан сэргийлэх арга ухаан гэхчилэн эр хүний амьдралд түгээмэл тохиолддог, зайлшгүй мэдэх ёстой бүхий л асуудлуудыг багтааснаараа онцлог юм. Үүнээс гадна эрчүүдийн эрүүл ахуй, гоо сайхан, эрүүл зөв хоололт гэх мэт бидний өдөр тутмын зөв амьдрах хэв маягийг мэргэжлийн үүднээс үнэн зөв тайлбарласан нь эрүүл мэндийн тодорхой мэдлэг эзэмшихэд нэн тустай болжээ.