Улаан асрын зүүд» хэмээх зохиол бол хятадын уран зохиолын дөрвөн ноён оргилын нэг болсон бүтээп юм. Зуунхорин бөлгөөс бүрдэж, уг бүтээлийг Манж Чин улсын их зохиолч Цао Шюэчинь арваад жилийн хугацаанд туурьвиж, наян бөлөгт хүргэсэн ба үлдсэн дөчин бөлгийг Гао Ө хэмээх эрхэм нэмж бичсэн гэж үздэг. Уг бүтээл нь зөвхөн тухайн үеийн нийгмийн амьдралыг толь мэт тусган хүүрнээд зогсохгүй хятадын ард түмний упамжлалт соёл шүлэг яруу найраг, угсаатны зан үйпийн алтан сан хөмрөг болсон гайхалтай зохиол юм. Зохиолд залуусын үнэнч хайр сэтгэл, хар хорон санаа, худал хуурмаг, үйлийн үр, тухайн үеийн нийгмийн бусармаг үзэгдэл зэргийг үйл явдлын хэлхээгээр хөврүүлэн үзүүлдэг.