Монгол хэлний арвин сангаас орчин цагийн монгол хэлэнд өргөн хэрэглэгддэг "уугуул" үгийг түлхүү оруулж, мөн түүхэн болон харь үг, нэр томъёо, хэлц үгийг багтаасан 27,000 гаруй үг, хэллэгтэй 'Сурагчийн тайлбар толь'-ийг ахлах, дунд ангийн сурагчдад зориулан Монсудар хэвлэлийн газраас эрхлэн гаргажээ. Ингэхдээ толь бичгийн үгийн сонголт нь орчин үеийн, үгийн тайлбар нь товч оновчтой, үгийн утгын системийн (тогтолцооны) хувьд гол буюу үндсэн утгыг нь онцлон үзсэн, үгсийн аймгийг бичсэн, овор хэмжээ бага гэх мэт гол гол зарчмуудыг уг тольд тусгасан байна.