Уншигч танаа Францын их бичгийн хүн Ги де Мопассаныг алдар хүндийн оргилд хүргэсэн 'Хонгор найз' романыг толилуулж байна. Мопассан эл зохиолдоо Жорж Дюруа хэмээх нэгэн халагдсан офицерын ядуу зүдүү амьдралаас эд баялаг, алдар хүндийн оргилд хүрч буй тухай өгүүлэх бөгөөд түүгээр дамжуулан Францын нийгмийг хошигнон шүүмжилсэн юм. Дюруа сайхан төрсөн жавхаалаг эр тул хүүхнүүд түүнд сайн байдгийг нь чадварлаг ашиглан албан тушаал ахиж, алдартай сэтгүүлч болдог. Дюруа хүүхэмсэг эр боловч энэ нь түүний сул тал бус харин ч өөдлөн дэвжих замыг нь нээж өгч байгаагаар дүрслэх бөгөөд эцэст нь тэр амрагийн холбоотой байсан бүсгүйнхээ охин болох үзэсгэлэн төгс залуу бүсгүйтэй гэрлэдэг.