Эрх мэдэл, мөнгө, алдар нэр ба секс нь нийгмийн шинж чанартай агуу хүсэл мөрөөдлүүд билээ. Хэрэгжүүлэх эсэх нь хүмүүсээс хамаардаг. Шатлан захирах ёс үгүй бол эрх мэдэл оршихгүй. Харьцуулалт хийхгүй аваас мөнгөний элбэг дэлбэг мэдрэгдэхгүй. Олон нийтийг дагуулахгүй бол алдар нэр ирэхгүй. Хүн хэзээ ч ганцаараа секс хийдэггүй. Эрх мэдэл, мөнгө, алдар нэр ба секс нь ойр төрлийн хүсэл тэмүүллүүд бөгөөд хэн нэгэн амжилт олсны дараа түүнтэй харьцуулагдаж явдаг учраас хэзээ ч бүрэн хангагдах боломжгүй. 'Эрх мэдэлд тэмүүлэгч Наполеонд атаархана. Наполеон Цезарьт, Цезарь Александрт, харин Александр үлгэр домгийн баатар Геркулест атаархдаг байжээ. 'Та ганцаараа алдар нэрэнд хүрлээ гээд атаархлын мэдрэмжээс салж чадахгүй. Учир нь алдар нэр танаас илүү амжилт олсон хүмүүсийн түүх ба домогт үүрд үлддэг' гэж гүн ухаантан Бертран Рассел тэмдэглэсэн байдаг. Энэ номонд амжилтанд хүргэх ёстой гэх тэр зүйлсийн тухай биш харин үнэн хэрэг дээрээ юу амжилтанд хүрдэг тухай өгүүлэх болно. Ашиглах арга замаа сонгох нь зөвхөн танаас хамаарна.