Афган гаралтай америк зохиолч Халед Хоссенигийн гуравдахь бүтээл болох 'Уулсын цууриа' роман монгол уншигчдын гар дээр очиж байна. Уг роман бүхэлдээ цаг хугацааны аварга хүчит урсгалд хувь хүний гишгэсэн ул мөр бүдгэрэн сарнидаг боловч гэгээн ариун үйл хэрэг нь гэрэлтэн хоцордог амьдралын хатуу жам ёсыг уншигчдад ухааруулан ойлгуулах ажгуу. Бидний өдөр тутмын амьдралд ч гэсэн зөв хэмээн бат хатуу итгэж байсан зүйл буруугаар эргэх, буруу муухай гэж боддог зүйл маань эцэс сүүлдээ үнэн зөв болон цайрах тохиолдол хичнээн олон байдаг билээ. 'Уулсын цууриа' роман амьдралын энэ л эгэл жирийн атлаа хатуу үнэнийг уншигчдад ухааруулж өгснөөрөө маш үнэ цэнэтэй бүтээл юм.