Хэрэв та амьдралдаа Хөвсгөлийг үзээгүй бол монголыг мэдэхгүй л гэж бодоорой. Хөвсгөл шиг унаган төрхөөрөө байгаа цэвэр цэнгэг усан, цэцэгсийн хүрээлэн, жигүүртний өлгий, амьтны хүрээлэн, сагсалзан найгах мөнх ногоон хөвч, туждаа үргэлжлэх сурнагтай хүрэн тайга, таван зүйлийн тарианы тансаг баян хөрс шороо, цалин мөнгөн оргилдоо цасан мөсөн дуулгатай эрдэнэсийн сүмбэр уулс ховорхон гэдгийг хэн бүхэн мэдэх билээ. Уг номонд эх орны хойморт орших Хөвсгөл нутгийн үүлэн цэнхэр хангай, үлгэрийн номин далайн үзэсгэлэн, түүхэн онцлог үйл явдал, зон олны авьяас билгийн гайхамшиг, сонин содон агаад баатарлаг хүмүүсийн тухай өгүүлнэ.