Харь хэлийг сурахдаа юуны өмнө сонирхолтой, богино хэмжээний, тухайн эх хэлээр бичигдсэн, ойлгоход хялбар эх сэдэв, түүний дагалдах сонсох материалыг нэлээд олон удаа сонсох, дагаж унших нь сонсох болон унших чадварыг сайжруулахын зэрэгцээ харь хэл сурах урмыг сэргээдэг. Энэ аргыг хэрэглэснээр сонсох чадвар богино хугацаанд сайжирч, сэдвийн утга санааг нь ойлгох гэж тэмүүлж, улмаар ярих чадвар ч үүнийг даган хөгждөг. Англи хэл сурах хүсэл, зорилготой та бүхэнд зориулж 'Англи хэлний унших бичиг' номын энэ удаагийн дугаараар Мартин Лютер Кингийн тухай англи, монгол хэлээр хүргэж байна. Мартин Лютер Кинг бол Америкийн санваартан, идэвхтэн төдийгүй Африк- Америкчуудын иргэний эрхийн хөдөлгөөний гарамгай удирдагч юм. Тэрээр хүчирхийллийн бус, иргэний үл дагах арга ашиглаж, иргэний эрхийг дээшлүүлэх талаар амжилт олсон алдартан билээ. Уг номын англи хэлээр сонсох, дагаж унших аудио (MP3) бичлэгийг www.urnu- dorno.mn цахим хуудасны 'аудио татах' цэсэнд хандаж авна уу.