Ошо багшийн сургаал аливаа ялгамжтай үзэлгүйгээр, өнөөгийн хүн төрөлхтний өмнө тулгамдаад буй нэн даруй шийдэх ёстой нийгмийн болон улс төрийн асуудлуудын утга учрыг эрж хайхаас эхлээд бүхий л зүйлийг хөнддөг. Түүний номууд ердийн байдлаар бүтээгүй, учир юун хэмээвээс 35 жилийн турш газар газрын хүмүүстэй тохиолдлоор хийсэн уулзалт, цуглааны аудио, видео бичлэгүүдээс сийрүүлэн буулгасан юм. Ошо багш бүтээлүүдээ өөрөө тодорхойлохдоо шинэ маягийн хүн төрөлхтнийг бүтээх нөхцөл болзлыг бий болгоход тус нэмэр болох учиртай гэжээ. Ошо багш хүний дотоод хувьслын шинжлэх ухаанд хувьсгалч шинж чанартай асар их хувь нэмэр оруулсан бөгөөд түүний заадаг бясалгал өнөөгийн амьдралын түргэн хэмнэлд зохицсон байдаг. Түүний нэн өвөрмөц 'Идэвхтэй бясалгалууд' нь эхлээд хүний бие, сэтгэхүйд хуримтлагдсан дарамт, стрессийг гаргах зорилготой бөгөөд ингэснээр бодол санаа үгүй, тогтуун, чөлөөт бясалгалын төлөв байдал бүрэлдэхэд илүү дөхөмтэй болно.