Випассана бясалгал нь хүн өөрийнхөө бие, сэтгэлийн үзэгдлийг ажиглах туршлагад тулгуурласан, шинжлэх ухаанд нийлэмжтэй процесс бөгөөд энэ нь зан заншил, ёс уламжлал, шашны итгэл үнэмшил, сохор сүсэг бишрэлээс зайлсхийдэг. Энэ бол Буддын сургаалын амин сүнс билээ. Ү Ба Хиний агуу их хувь нэмэр нь Випассанагийн ач үрийг өдөр тутмын амьдралд харуулсанд оршдог. Тэрээр бясалгалын мастер багш, мөн мохошгүй зүтгэлтэй, ганхашгүй ёс жудагтай төрийн албан хаагч байсан юм. Түүний Мьянмар (хуучнаар Бирм) эх орондоо байгуулсан гавьяа нь үлэмж ба харин даян дэлхийн хүн ардад үзүүлсэн үлгэр дуурайл нь үүнээс ч дутахгүй гайхалтай. Энэ номонд түүний бүтээлүүд, айлдваруудын цуглуулга, түүний амьдрал болон өмнөх багш нарын амьдралын намтар түүхийг оруулж, түүний алдарт шавь С.Н.Гоэнкагийн дэлгэрэнгүй ярилцлагыг багтаасан болно.