Хүмүүс бид шинэ зүйл хийж бүтээх санаагаа хэрхэн бодиттой хэрэгжүүлэх вэ гэж эргэцүүлэн шинэ мэдлэг, арга, загвар хайдаг. Тэгвэл энэ ном танд бүтээлч санаагаа нийгмийн болон бизнесийн төсөл болгоход тань тусална. Энэ номд төслийн ойлголтууд, нийгмийн болон бизнесийн төслийн санал боловсруулах арга, загвар, жишээ, кэйс багтсан болно. Энэ ном мэргэжилтэн, үйлдвэрлэгч, менежер, оюутан сурагч, багш, судлаачид болон нийгэмдээ сайн сайхныг бүтээхийн төлөө шинийг санаачлагч, ажил хэрэгч бүх хүнд зориулагдав. Төслийг аж ахуйн нэгж байгуулах, үйл ажиллагаагаа сайжруулах, санхүүжүүлэлт авах зорилгоор хэрэгжүүлдэг байсан бол орчин үед нийгмийн сайн сайхныг бүтээх, байгаль орчныг хамгаалах, үр бүтээлтэй хамтарч ажиллах байдлаар өргөжиж байна. Төслийн санал боловсруулахын тулд асуудал, хэрэгцээгээ судлах, санаагаа хөгжүүлэх, хамрах хүрээ, оролцогч талуудыг тодорхойлдог. Эдгээрийг хэрхэн хийхийг тус номд жишээ, загвараар тайлбарласнаас та санаа авч, өөрийн төсөлд бүтээлчээр хэрэгжүүлээрэй.