Ухаан билигт Монголчуудынхаа халуун голомт, төр түмнийхээ Их өргөө болсон Улаанбаатар хотын түүх шастирыг хураан эмхлэж нэгэн цогц бүтээлийг нийслэлчүүдийнхээ хойморт залж, уншигч түмний мутарт өргөн барьж байна. Найман зууны тэртээд Эзэн богд Чингис хаан Их Монгол гүрний галыг ноцоож, ашдын бэлэгт ерөөл айлдан Тулгуур төрөө тунхаглан өргөмжлөснөөс хойш бадамласан голомтыг өнөөгийн бид түшиж яваа хувь тавилантай билээ. Монгол улсын нийслэл Улаанбаатарын тухай туурвисан ном, хэвлэл, цомог, эмхэтгэл товхимолыг цуглуулбаас бүхэл бүтэн номын сан болохуйц арвин хэдий ч энэхүү номыг бүтээхийн учир хичээнгүйлэн шүүж, нягтлан судалсны дүнд баялаг баримтаас баттай үнэнийг чухалчлан авч нийтлэхүй доор хойч үеийнхэн, нийслэлчүүдийнхээ гэгээн мэлмийд толилуулж байна. Зохиогчид