Хувцас: Хүн төрөлхтний хувцас загварын бүрэн түүх хэмээх энэ номд эртний бөс даавуу үүссэн цагаас өнөөгийн нүд гялбам загварын ертөнцийг хүртэлх 3000 жилийн түүхийг зургаар харуулан өгүүлжээ. Өмнөх үгийг нь загварын ертөнцийн нөлөө бүхий эрхэм Карин Франклин бичсэн, энэхүү гайхалтай ном уншигч таны хувьд, хувцас загварын ертөнцөөр аялах “загварын шоу” байх болно. Тус номыг уншсанаар хувцас загварыг дэлхий ертөнцөд түгээн дэлгэрүүлсэн Жеки Онасисаас Александр Маккуин хүртэлх орчин үеийн загварын тренд бүтээгчидтэй танилцахын зэрэгцээ архивт орсон, эртний болон захиалгат зэрэг 1500 гаран хувцасны гайхалтай зургуудыг харах боломжтой. Хувцас: Хүн төрөлхтний хувцас загварын бүрэн түүх номын арван бүлэгт нэн эртнээс өдгөөг хүртэлх хувцас загварын түүхэн замнал, хэв маяг, хандлага, хувцасны хэлбэр шинж, нийгмийн илэрхийлэл, шинэчлэл, сонгодог загваруудыг үе шат бүрээр нь зураг тайлбарын хамт дэлгэрэнгүй хүүрнэжээ.