Хэл яриа, сонсголын бэрхшээлтэй хүмүүст тулгардаг нэг гол асуудал бол нийгмийн амьдралд оролцох, үйлчилгээ авах явдал байдаг. Иймд бид бүгдээрээ, ялангуяа олон нийттэй харилцдаг үйлчилгээний байгууллагын ажилтнууд дохионы хэлээ мэддэг болчихвол хэл яриа, сонсголын бэрхшээлтэй хүмүүсийг сурч боловсрох, цаашлаад ажиллаж амьдрахад нь тус дэм болох юм. Энэхүү толь нь нийт 700 гаруй толгой үгтэй бөгөөд бидний өдөр тутамд өргөн хэрэглэгддэг түгээмэл үгсийг хураангуйлан 23 хэсэг болгон зүйчлэн, цагаан толгойн үсгийн дарааллаар байрлуулсан болно. Ингэснээр хайсан үгийн дохиог хялбархан олох боломжтой болсон байна.