Та нар Миккигийн тухай сонссон уу? Шөнө дунд гал тогоонд юу болдог гээч? Тэнд авхаалжтай тогооч нар үүр цайхаас урьтаж, өглөөний цайнд идэх талх барихаар шуурхайлан ажиллана. Микки зуурсан гурилын хөөсөн зуурмаг руу орж, гурилыг нухаад, нударгаараа цохиод, тасдаад, татаж зулгаасаар гурилан онгоц хийж аваад түүгээрээ түнэр харанхуйг зүсэн, тэнгэрийн заадсыг чиглэн дээш хөөрлөө. Авхаалжтай тогооч нар Микигийн тусламжтайгаар сүүтэй болж, зуурмагаа хутган, талхаа барьж амжив. Өглөө бүр амттай талх иддэг маань Микигийн гавьяа юм шүү.