30 гаруй жилийн тэртээ анх хэвлэгдсэн цагаасаа хойш энэ ном сая сая хүнд хэлэлцээр сайн хийх арга замд суралцахад нь тусалжээ. Тус номд бүхий л төрлийн маргаантай нөхцөл байдалд буулт хийлгүйгээр, уурлаж бухимдалгүйгээр харилцан зөвшилцөлд хүрч болох стратегийг алхам алхмаар тайлбарласан. Зөвшилцөлд хүрэх урлаг ном “Өөр өөр байр суурьтай хүмүүс зохицон үр дүнд хүрч болох хамгийн сайн арга юу вэ?” гэсэн асуултаар эхэлнэ. Орчин үеийн бизнесийн үндсэн сурах бичгүүдийн нэг болсон энэ ном бүх шатны хэлэлцээр болон зөрчил маргаан шийдвэрлэх талаарх 'Харвардын Хэлэлцээр Төсөл'-ийн судалгаан дээр үндэслэсэн юм. Харилцан ашигтай, зарчимч хэлэлцээр гэж юу болох: бодлогогүй эсвэл танаас өөр бодол, хэлэлцээрийн хэв маягтай хүнтэй хэрхэн хэлэлцээр хийх: хаана уулзах, хэн түрүүлж санал тавих: хэлэлцээрт хэрхэн давуу талтай байх зэрэг асуултад энэ ном хариулт өгнө. Олон удаа хэвлэгдэж, шилдэг борлуулалттай номоор шалгарч байсан энэ бүтээл зөвшилцөлд хүрэх арга ухааныг олны мэдэх жишээгээр баяжуулж, энгийн үгээр, ойлгомжтой хүүрнэснээрээ онцлог. Номд зөвлөж буй арга барил бүр туршлагаар батлагдсан ажээ.