Монсудар хэвлэлийн газрын хүүхдийн номын Жангар редакцаас бага насны хүүхдэд зориулан зурагт номуудыг цувралаар хүргэсээр байгаа билээ. Энэ удаад бид Ах дүү Гриммийн үлгэрийн цоморлогоос “Хадагтай Холле”-г зурагт ном болгон толилуулж байна. Хадагтай Холле бол Германд төдийгүй дэлхий дахинд ихэд танигдсан үлгэрийн баатар юм. Энэ үлгэр нь Германы Хессен мужаас гаралтай бөгөөд одоо ч энэ нутагт цас орвол хүмүүс “Хадагтай Холле ороо засаж байна” гэж хэлдэг байна. Энэхүү зурагт номын сонирхолтой өгүүлэмж, сэтгэл татам зураг дүрслэл нь таныг болон таны хүүхдийг уйдаахгүй гэдэгт бид итгэлтэй байна. Хүүхэдтэйгээ хамт зурагт ном үзэж, хөгжилтэй яриа өрнүүлэх нь гэр бүлийн тань юугаар ч орлуулшгүй аз жаргалтай цаг хугацаа байх болно.