Эдгээр үлгэрүүд хүүхдийн тань төсөөлөн бодох чадварыг хөгжүүлэхээс гадна, үгийн шидэт ертөнцөөр аялуулж, энэрэнгүй сэтгэл, өөртөө итгэх итгэл, бусдын төлөөх уужим ухааныг төлөвшүүлэхэд дэм болно гэдэгт итгэлтэй байна.

Уг номын үлгэрүүд өрөвч нигүүлсэнгүй тоть, сайхан сэтгэлт одос үхэр, аймхай мангас гэх зэрэг хүншүүлсэн олон дүрүүдтэй. Хөгжөөн баясгаж, сатааруулахаас илүүтэй амьдралд хэрэгтэй буддын сургаалуудыг ойлгуулахыг зорьсноороо онцлог юм. Үлгэр бүр хуудас дүүрэн өнгөт зурагтай. Хүүхдэдээ үлгэр домог чангаар уншиж өгөнгөө хамтдаа инээж, уйлж, догдолж, хөөрч баярлан, төсөөллийн ертөнцөөр аялах нь хүүхэдтэйгээ илүү дотносох таатай нөхцөл бүрдүүлдэг. 

Үлгэрүүдийг уншихын өмнө номын өмнөтгөл хэсгийг унших нь зүйтэй. 8-13 дугаар хуудсанд Будда болон түүний сургаалын талаар эцэг эхчүүд хүүхэдтэйгээ хамтран унших хэсэг бий. 14-23 дугаар хуудсанд эцэг эхчүүдэд зориулсан хэсэг бий. Харин 24-25 дугаар хуудсанд үлгэрээ эхлэхээс өмнө хүүхэдтэйгээ хамт хийх тайвшруулах дасгал бий.