Ээжийнхээ амь насыг аврахын тулд Клари Фрэй Сүүдрийн ангуучдын эх орон болох Шилэн хот руу явна. Энэ хотод зөвшөөрөлгүй очих нь хууль зөрчсөн хэрэг бөгөөд уг хуулийг зөрчвөл үхлийн ял оноодог ёстой. Гэвч энэ бүхэн Клариг зогсоож чадсангүй. Харин үүнээс илүүтэйгээр Жейс түүнийг энэ хотод байхыг хүсээгүй нь, мөн нарны гэрлээс айдаггүй цус сорогчийг хардаж сэжиглэсэн Сүүдрийн ангуучид Саймоныг шоронд хорьсон нь түүнд хүнд цохилт боллоо. Энэ үеэр Клари нууцлаг Сүүдрийн ангууч Себастьянтай танилцана. Валентин Сүүдрийн ангуучдыг устгахаар Чөтгөрийн армийг цуглуулжээ. Сүүдрийн Ангуучдын аврагдах цорын ганц зам бол Доод ертөнцийнхөнтэй холбоотон болох. Гэвч Сахиусан тэнгэрийн удам ба Доод ертөнцийнхөн эцсийн эцэст эртний үзэн ядалтаа зогсоож хамтдаа тэмцэж чадах болов уу? Мөн Клари шинээр илэрсэн гайхамшигт чадвараа БҮХНИЙГ аврахад ашиглаж чадах болов уу?