Энэхүү зохиол нь бусдыг хэзээ ч гаднах дүр төрхөөр дүгнэж болохгүй мөн ямар ч амьтныг хайрлаж, энэрнэ гэдэг хэчнээн баяр хөөртэй, сайн үйл вэ гэдгийг харуулсан бүтээл билээ.

Ус асгарсан бороотой намрын өглөө, манай ангид хоёрын хоёр хүүхэд шилжиж ирлээ. Бүгд л үл таних хүүхдүүдийг сонирхож бас шохоорхон харцгаана. Анги ялаа нисэх чимээ сонсогдохоор анир чимээгүй, нам гүм. Самбарын өмнө зогсох биерхүү бор охин, жижигхэн шар хүү хоёр ёстой л эсрэг тэсрэгийн туйл гэмээр. Бид инээдээ барьж ядан, энд тэндгүй жиг жуг болцгоов. Нүүрээрээ дүүрэн жижигхэн бор сэвхтэй туранхай шар хүүг харсан хэн ч инээдээ барьж үл чадна...