"Монгол нууц товчоо" бол Монголын их хаадын угсаа гарал, монголчуудын ахуй амьдрал, үндэсний түүх, хэл бичиг, утга соёл, ардын аман зохиол, бөө мөргөл, зан заншлын нэвтэрхий их толь, монгол хэлний үгийн урлагийн сонгодог бүтээл, тал нутгийн анхилам үнэр нэвт шингэсэн түүх, он дарааллын бичиг юм. XIII зууны үеийн монголчуудын ахуй амьдралын хэв маяг, эзэн Чингис хаан болоод Их Монгол улсын түүхийг уран зохиолын хэллэгээр бичсэн хосгүй нандин судар юм.

Монголын түүхэн сурвалжийн дээд бичиг, өв тэгш туурвил болох "Монголын нууц товчоо" бүтээлийн шинэ хувилбар нь уншигчдын гарт хүрч байна. “Болор судар” хэвлэлийн газраас уншигчдадаа өргөн барьж буй энэхүү бүтээлд Монгол, англи, уйгуржин бичгийг нэгэн дор хадмалласан бөгөөд түүхийг хүүрнэн өгүүлэх зурагт ном гэдгээрээ онцлогтой болсон юм.