Англи хэлийг анхан шатанд суралцаж байгаа хүмүүс эхлээд өргөн хэрэглээний үгсийг тогтоож, улмаар тэдгээр үгсийг хооронд нь холбож өгүүлбэр зохиож эхэлдэг. Энэ нь хэл сурах чухал алхам хэдий ч өөрийгөө амаар болон бичгээр бусдад зөв ойлгуулахын тулд хэлзүйн дүрмийг зөв ойлгож сурах шаардлагатай байдаг. Энэ ном нь англи хэл сурч буй бүх насны хүмүүст зориулагдсан англи хэлний хэлзүйн дүрмийн гарын авлага бөгөөд 30 бүлэгтэй, бүлэг тус бүрт монгол- англи тайлбар, холбогдох жишээтэй болно.