'- Тайланд улсын нутагт оршдог Кунтан хэмээх нурууны өмнөх хэсэгт зааны тусгай сургууль байгуулагдаад 20 гаруй жил болж байна. Энэ нь дэлхийн хэмжээнд байгаа зааны ганц сургууль юм. Энд шинээр төрсөн зааны бяцхан тугалыг “ясли”, 'цэцэрлэг'-ээр дамжуулан 3 нас хүрэхэд нь “бага сургуульд” анги дэвшүүлэн оруулдаг. Сургуульд суралцсан 7 жилийн хугацаанд хүний тушаан хэлсэн 30 орчим үгийг сайн ойлгодог, түүний дагуу ажил гүйцэтгэж чаддаг болдог байна. -Африкийн Саванна хэмээх тал хээрийн бүс нутагт бэлчээрлэн яваа зааны сүрэг цагт 7 км замыг туулна. Харин уурласан том заан цагт 40-60км хурдтайгаар дургүйг нь хүргэсэн амьтнаа хөөдөг. -Зааны тугал эхийнхээ хэвлийд 21 сар болоод мэндэлдэг. Дөнгөж төрсөн бяцхан тугал хэдхэн хоромын дараа хөл дээрээ тэнцэж, 3 цагийн дараа эхийнхээ халуун уураг сүүг амлан нийт хоёр жил хөхдөг. Энэ номноос хүүхдүүд та бүхэн зааны талаар эдгээр болон бусад олон сонирхолтой мэдээллийг олж авах болно.