Тус гарын авлага нь туршилтийн үр дүнд гарган авсан тоон үзүүлэлтийг математик статистикийн аргаар хэрхэн боловсруулах тухай их, дээд сургуулиудын магистрант, докторант нарт заадаг арга зүйн эмхэтгэл юм. Гарын авлагын 1-р бүлэгт хожим нь танилцах програм хангамжид шаардагдах математик статистикийн болон комбинаторикийн зарим ойлголт, элементүүдийг багтаасан бол 2-р бүлэгтээ Data Analysis програмын хэрэглээг дэлгэрэнгүй жишээний хамт оруулсан болно. Энэ бүлэгт судалгааны ажилд хамгийн өргөн хэрэглэгддэг түүвэрлэх, зэрэглэл тогтоох, гистограмм байгуулах, корреляци бодох зэрэг энгийн аргуудаас юмс үзэгдлийн шинж чанарын тоон өөрчлөлт өөрийн зүй тогтолт өөрчлөлтөөс гадна, гадны тодорхой хүчин зүйлүүдийн нөлөөллөөс болон өөрчлөгддөг зүй тогтолт өөрчлөлтийг тодорхойлох дисперсийн шинжилгээний (ANOVA) аргуудыг тодорхой жишээнүүдэд тулгуурлан тайлбарлан хэрэглэж байгаатай дэлгэрэнгүй танилцана. Гарын авлагын 3-р бүлэгт Solver програмын хэрэглээ буюу экстремаль бодлогуудыг бодох шугаман болон шугаман бус програмчлалын бодлогууд, тээврийн бодлогуудыг програмчлалын аргаар хэрхэн бодох арга зүйтэй танилцах боломжтой.