Хүний амьдрал дардан замаар байнга явдаггүй. Хүн, бүхнийг мэдэж байх албагүй ч аж төрөх наад захын ёсыг мэддэг, дагадаг байх учиртай. Тиймийн тулд алдсанаа засч онохын төлөө зүтгэх нь зүйн хэрэг юм. Үүний учир хар бор амьдрал туулж, хал дол үзсэн эцэг эх, ахмадууд засч залруулж байдаг. Энэ бол нэн тэргүүний засал. Түүнээс гадна сав, шимийн ертөнцийн барилдлагыг зөрчвөл эрчим хүчний хямралд өртөж, тусгай зан үйлийг мөрдөж байж явдал, мөр нь тэгширдэг ёс ч буй. Энэ номд эдгээр зүйлсийн тухай дэлгэрэнгүй өгүүлэх болно.