Дорно дахины анагаах ухааны мянган нууц руу өнгийх цонх уламжлалт эмт бодисын эрт, эдүгээгийн тайлал домогт хээр талын эмт ургамлын ертөнц
Олон зуун жилийн туршид нүүдэлчин монгол түмний эрүүл мэндийн хэрэгцээг хангаж байсан уламжлалт анагаах ухааны гол хэрэгсэлд эртний судар, номуудад зааж оршоосон уламжлалт эм, тан юуны түрүүнд хамаарна.Уламжлалт эм, тангийн эрдэм, чадал, үйлдэл нь түүний найрлаганд орох амьтан, ургамал, эрдсийн гаралтай түүхий эдүүдийн оноолт, танилт, бэлтгэх, хадгалах, хортой хэсгийг нь номхотгох, жорын найрлагын нарийн технологийг баримтлахаас шууд шалтгаалдаг.
Цаашдаа энэхүү бэлэн болсон эм танг өвчтөн дээр өвчний ямар үед ямар идээ ундаа явдал мөрийн ёсыг баримтлан хэрхэн дангаар буюу хавсарган хэрэглэж өвчтөн эдгээх нь өнөө цагт Өрнө Дорнын анагаах ухааны эмнэл зүйн ур чадварыг чадварлаг эзэмшсэн, мэдлэг туршлага бүхий сэтгэлтэй эмчээс, эмчдээ итгэсэн өвчтөний итгэл сэтгэлээс шууд хамаардаг ажил...Уг номд уламжлалт жоронд ордог 300 гаруй ургамлын зүйл, тэдгээрийн 1500 гаруй төлөөлөл болсон эмт ургамлын талаарх уламжлалт анагаах ухааны эртний судруудын ойллого болон орчин үеийн шинжлэх ухааны судалгааны материалаас тоймлон өгүүлэх болно. Мөн Монгол оточ нарын өнөө болтол хэрэглэж ирсэн эмт ургамлуудын өнгөт зураг, тайлбарыг тодотгол болон оруулж, эмт ургамлын орон орны ардын болон уламжлалт эмнэлэг, орчин үеийн анагаах ухаан дахь хэрэглээг дурдснаас гадна өргөн хэрэглэдэг зарим уламжлалт эм, тангуудын нэршил, зураг, хэрэглэх заавар, Монг-Эм ХХК-иас санхүүжүүлэн сүүлийн 5 жилд зохион байгуулсан.Монгол орны эмт ургамлын нөөц, тархалт, танилт экспедицийн зургийг хавсаргажээ.