Сүүлийн жилүүдэд монголын уламжлалт анагаах ухаан, уламжлалт эмнэлэг сэргэн хөгжиж, үүнтэй уялдан ургамлын гаралтай эмийн түүхий эдийн эрэлт хэрэгцээ ихээхэн нэмэгдэж байна. Иймээс тухайн ургамлын талаар мэдээлэл олохын тулд ургамлын латин, монгол, англи, орос, түвд нэрийг мэдэх асуудал үнэхээр чухал юм. Эл толь бичигт Монгол оронд зэрлэгээр ургадаг, тариалдаг эмийн шинж чанартай 985 зүйл ургамлын латин, монгол, англи, орос, түвд нэршлийг латин үсгийн дарааллын дагуу оруулснаас гадна ургамлын түвд нэршлийг аль болохоор монгол дуудлагын дагуу кирилл үсгээр бичиж оруулсан байна. Мөн эмийн ургамлын латин, монгол, англи, орос, түвд нэршлийн ижил утга бүхий нэршлийг аль болохоор оруулахыг зорьжээ.