Та 80'20 зарчмыг мэдэх үү? гэж асуухад эдийн засаг бизнесийн чиглэлээр номын дуу сонссон ямар ч хүн мэднэ гэж хариулдаг. Харин 'Та энэ зарчмыг яаж ашиглаж байсан бэ?' гэвэл хариулах хүн гарах нь юу л бол. Номын зохиогч Ричард Кох энэ зарчмыг ажил, амьдралдаа хэрэгжүүлж амжилтанд хүрсэн нэгэн билээ. Түүний үзсэнээр, Вилфредо Паретогийн нээсэн 80'20 зарчим бидэнд үр бүтээлээ 5-10 хувь биш, харин 5-10 дахин нэмэгдүүлэх арга замыг нээж өгнө гэнэ. Аливаа зүйлийг өнгөц мэдэх гэдэг нэг хэрэг, харин амьдралд хэрэгжүүлж үр ашгийг нь гаргана гэдэг огт өөр зүйл болохыг энэ номонд тод харуулна.