Дашнамжилын Цогтбаатарын уншигч таны гар дээр тавьж буй энэ номонд уугуул, суугуул нутаг ус, өвөг дээдэс, түмэн олныхоо гарал төрөл, аж байдал, удам судар, үүх түүхээ тодорхой, бодитойгоор бичсэн нь нэн сайшаалтай агаад сургамжтай болжээ. А.Дашнамжил нь социализм хүнд бэрх жилүүдэд улс төрийн хэлмэгдүүлэлтийн золиос болж 20 гаруй жил хөдөө орон нутагт цөллөгдөж, олон дарамт шахалтыг амсаж байсан хүн. Тэрээр коммунист системийг сөрөн зогсож, ардчиллын төлөө амь амьдралаа зориулсан тал нутгийн баатруудын нэг байсан. Түүний тэмцлийн түүх өнөөдөр залуучууд бидэнд том сургамж, үлгэр дууриалал болох төдийгүй үзэл бодол, үнэт зүйлтэй хүн хэзээ нэг цагт ялдаг гэдгийг харуулсан гайхамшигт жишээ юм.