Байгууллагын сэтгэл судлал нь байгууллагын гишүүдийн ялгаатай талуудыг судлахын зэрэгцээ тэдний эрүүл мэнд, хөдөлмөрийн таатай нөхцлийг бүрдүүлэх, байгууллагын үр дүнтэй ажиллагааг дээшлүүлэх асуудлыг хүмүүсийн зан төрх, сэтгэцийн үйл ажиллагаатай холбон судалдаг сэтгэл судлалын хэрэглээний салбар юм. Сэтгэл судлалын энэхүү салбар нь байгууллага дахь бие хүн, байгууллагын доторх харилцааны онцлог, бие биедээ нөлөөлөх, удирдах, идэвхжүүлэх, сэдэлжүүлэх үйл явц, манлайлал зэрэг байгуулллага доторх бүлэг, хамт олны нийгэм сэтгэл зүйн талыг авч үздэг. Эл ном нь Байгууллагын сэтгэл судлалын үндэс, Байгууллага дахь эрх мэдэл, Манлайлалын сэтгэл зүй, Байгууллага, Сэдэлжүүлэлт, Бүлгийн сэтгэл зүй, Байгууллага дахь харилцаа, Сонгон шалгаруулалт, Байгууллага дахь стресс, Байгууллага дахь зөрчлийн сэтгэл зүй, Байгууллага дахь бие хүний хандлага, Бүтээмж ба шийдвэр гаргалт гэсэн 12 бүлгээс бүрдэнэ.