Бөх нь эрт дээр үеэс ард түмэн болгонд байжээ. Тийм учраас бөхийн төрлийг спортын эртний төрлийнх нь хувьд Эртний Грек оронд болсон олимпийн наадмын хөтөлбөрт багтаасан байдаг. 1896 онд Грек болсон орчин үеийн Анхдугаар олимпийн наадмын хөтөлбөрт барилдаан багтаж бөхчүүд хоорондоо жингийн ялгаагүй өрсөлдөж олимпийн медалийг германы бөх Карл Шуман, грекийн бөх Цитас, Стефанос Христопулос анх хүртэж байжээ. 1904 онд АНУ-ын Сент-Луис хотод болсон зуны олимпийн наадмын сонгомол барилдаанаас гадна чөлөөт бөхийн төрөл багтаж тэр үеэс чөлөөт бөхийн барилдаан хөгжлийнхөө дардан замд орж өнөө үед, чөлөөт бөхийн спорт хөгжил дэвшлийн оргилдоо хүрч улам төгөлдөржиж байна.