Сукран уруулаа ялимгүй цорволзуулах агшинд xaцарт нь улаан туяа тунараад толгойгоо доош бөхийлгөхүйеэ гил хар үсний цаанаас булбарай хүзүү нь шинэхэн цухуйсан бадам лянхуа цэцгийн үндэс мэт нүд баясгамуй. Хён Жон хаан бие эргэн дэргэдээ зогсох дотоод ордны тайган түшмэл рүү хяламхийн хараад толгой дохисхийв. Тэгснээр тэр шөнө Сукран анхилуун үнэрт рашаан хурын усанд ариун биеийн угаалыг үйлдэж гүйцээд Хён Жон хааны амирлах лавринд хүргэгдэж билээ. Түүний хуур хөгжим ч амирлах лавринд дагалдан орсноор Сукран хаан эзэнд нэгэн яруу аялгуут хөгжимдөж сонорыг нь мялаажээ....