Өнгөрсөн зууны салбар салбарын алдар нэртэй эрхмүүдийн эдгээр ховор ярилцлагын зарим нь өмнө нь хоёр цуврал болон хэвлэгдэж байсан. Харин энэ удаад бид тэдгээрийг нэгтгэн, дээр нь нэмж баяжуулан хэвлүүллээ. Энэ номоор дамжуулан та улстөрч, эрдэмтэн, зураач, дуучин, философич, кино найруулагч, зохиолч гээд амьд ахуйдаа цаг үеийнхээ луужин нь болж, бүтээл туурвил, үзэл санаагаараа дэлхий дахинаа үлгэрлэж явсан алдартнуудтай Амьдралын кафед зэрэгцэн суугаад "ярилцах" болно.