Аливаа нийгмийн хөгжил дэвшлийн явцад байгаль орчны тэнцвэрт байдал, унаган төрхийг хадгалах явдал анхаарвал зохих онцгой асуудал юм. Байгалийн бүх нөөц баялгийн дотор шинжлэх ухааны үндэслэлтэй менежент шаарддаг онцгой нөөц баялаг бол ой мод юм. Ойн аж ахуйн арга хэмжээний шинжлэх ухааны үндэслэлийг сайжруулж, ойн нөөцийг судлах, уламжлал, соёл, нийгэм эдийн засгийн хэрэгцээний дагуу ойг зохистой ашиглах, түүнд олон нийтийн тэгш оролцоог хангаж, хууль эрх зүй, бодлогын дэмжлэгээр ойн тогтвортой менежментийг бүрдүүлэх нь манай орны өнөөгийн нэн чухал шаардлага болж байна. Энэхүү танилцуулах ном нь олон нийтийн ойн тухай ойлголтыг дээшлүүлж, ойн мод, дагалт баялаг, биологийн олон янз байдал, ойн экосистемийн үйлчилгээ зэргийг зөв зохистой ашиглах тогтвортой менежментийг бүрдүүлэхэд зориулагдсан.