Өнөөгийн NBA -гийн шилдэг 10 багийн гол тоглогч эсвэл лигийн шилдэг 10 тоглогчийн дийлэнх нь холбон тоглогч гэдэгтэй спорт сонирхогчид санал нийлэх биз ээ. Багийнхаа тоглолтыг удирдах, довтолгоо зохион байгуулах үүрэгтэй байсан холбон тоглогчид эдүгээ олон талт тоглолтоороо бүхнийг гайхашруулж байна. Тэдгээр шилдгүүдээс долоог нь сонгож, намтар түүхийг нь уншигч танаа сонирхуулж байна. Тухайн тоглогчийн үүх түүхийг төрөхөөс нь эхлээд нуршин өгүүлэхийг хичээсэнгүй. Харин үүний оронд өдий зэргийн амжилт, өндөрлөгт хүрэхэд нь юу нөлөөлснийг, яагаад ийм мундаг тоглогч болсныг нь ойлгуулах хамгийн сонирхолтой, өмнө нь олны сонорт хүрч байгаагүй нийтлэл, эсээг сонгон номдоо орууллаа. Жишээ нь: К.Ирвингийн бага нас, дунд сургуулийн амжилт, хувь хүний төлөвшил, түүнд хамгаас их нөлөөлсөн хүн болох аавынх нь тухай нийтлэл бий. Орчин цагийн сагсан бөмбөгчдийн өнгө төрх, чанар чансаа, авьяас чадварыг тодорхойлж буй тоглогчийн тухай энэхүү ном таны таалалд нийцэх болтугай.