2000 оны эхнээс Милан, Ювентус, Италийн шигшээ багийн тоглолтуудыг тайлбарлах бүртээ би бээр дээрх хоёр мөртийг амныхаа уншлага болгосоор өдий хүрлээ. Цас, бороо, манан, шуургатай ямар ч үед луужингийн улаан зүү хойд чигийг хэзээд найдвартай заадагтай адил Андреа Пирлогийн хөлд бөмбөг байгаа цагг гоол орно гэдэг эргэлзэлгүй итгэлтэй байж болно. Таны уншихаар зэхэж буй энэ номондоо дурьдсан ёсоор Пирло хөлбөмбөгийг бусдаас арай өөр, өвөрмөц, содон өнцгөөс харж, мэдэрч, тоглодог нэгэн. Түүний ногоон зүлгэн дээр толилуулдаг үйлдэл, хөдөлгөөн, хууралт, дамжуулалт, цохилт бүр цэвзр бурхнаас заяагдсан зөн совингийнх нь уран бүтээл. Ямар нэгэн ашигтай боломж бүрдмэгц зев совин, мэдрэмж нь секундыг мянга хуваасны дайтай эгшинд гялсхийж оюун ухаанаас нь өрсөөд бүхнийг хийчихдэг тухай ч номынхоо хоёрдугаар бүлэгт тэрээр дурьджээ.