“Зургаан хэрээ” бол Америкийн зохиолч эмэгтэй Ли Бардугогийн адал явдалт хоймсон романы эхний дэвтэр бөгөөд эхнээсээ авхуулаад дуусан дуустлаа сэтгэлийг ховсдон татах увдистай, уран нарийн бичигдсэн бүтээл юм.

Каз Бреккер буюу Бохир гарт хочит хүү ихээхэн шан харамж дагуулах нэгэн биелэгдэшгүй даалгаврыг гүйцэтгэхээр Фьерда улсын бат бэх Мөсөн шүүх рүү нэвтрэх баг бүрдүүлжээ. Түүний багийнхан дор бүрнээ гайхамшигт чадваруудыг эзэмшсэнээс гадна аймшиггүй чин зоригтой охид, хөвгүүд байв. Инеж Гафа буюу Сүнс гэгдэх сули охин гарамгай хутга эзэмшигч бөгөөд хаа ч тэр сүнс шиг чимээгүй нэвтэрч мэдээлэл олж ирэхдээ гаргууд. Харин Жеспер бол Земений мэргэн бууч агаад нөхөрлөлдөө үнэнч нэгэн. Нина Зеник бол Гришагийн хүчирхэг хоёрдугаар армийн цэрэг явсан, дур булаам, амьд бие эзэмшигч бүсгүй. Түүний дурлалт залуу Хелвар Матиас Фьерданы шулмын ангууч бэлтгэгдсэн нэгэн. Энэ баг дээр санаанд оромгүй нэгэн хүн нэмэгдсэн нь баян худалдаачин Ван Экийн хүү Виалан Ван Эк. Буржгар үстэй, өхөөрдөм царайтай, эдэн дундаа насаар хамгийн бага нь болох Виалан бол т эсрэх бодисын мэргэжилтэн.

Ийм тэс өөр зургаан гишүүнтэй хүчирхэг баг журда парем хэмээх хүчтэй мансууруулах бодисыг зохион бүтээсэн Шу эрдэмтнийг Мөсөн шүүхээс суллаж чадах болов уу? Залуусын дунд өрнөх хүсэл мөрөөдөл, сувгийн харх шиг бэрх хатуу амьдралын цаадах хүнлэг чанарыг сэтгэл хөдлөм хүүрнэхээс гадна үйл явдлыг гайхамшигтай зохиомжлон бичсэн энэхүү уран сэтгэмжит бүтээл олон орны уншигч хүүхэд, залуусыг байлдан дагуулж, бестселлер болсон билээ.