Энэтхэг улс хүн амын тоогоор дэлхийд гуравт ордог, улс орны хөгжил нь өдрөөс өдөрт өсөн нэмэгдэж буй, асар баялаг бичиг соёлын түүхтэй, олон шашин орчилдсон, орчлонгийн баян, ядуугийн туйлыг нэг дор харж болох, олон хэлт үндэстэн, ястных нь кастын ялгаа зиндаа одоо ч үйлчилсээр буй онцгой өвөрмөц орон билээ. Хинди, урду, пуштун, бенгал зэрэг олон хэлээр бичдэг зохиолчдын түүвэр өгүүллэгийг орчуулагч Н.Энхбаяр орос хэлнээс орчуулжээ. “Эксорсист”, “Луу эзэгнэгчийн охин”, “Ази дорно дахины үлгэрүүд”, “Хөлбөмбөгийн шилдэг 100 тоглолт” зэрэг орчуулгын бүтээлүүдээрээ уншигч олны танил болсон түүний “Таж Махал” энэтхэг өгүүллэгийн түүврийг ЧҮНДЖ паблишинг эрхлэн хэвлүүлсэн байна. Жагарын орноор хамт аялахад та бэлэн үү? Сари ороосон, духандаа улаан тэмдэгтэй алаг нүдэн бүсгүй, түүний хайр сэтгэлийн нандин учиг, олны нүднээс нуугдаж чадаагүй оройтсон хайр, нүгэл буяны зааг арилах тэр аймшигт мөч... Таны өмнө энэ бүхнийг дэлгэхээр будаг нь ханхалсан шинэхэн ном ирлээ.