Эцэг эхээ энэрэн хайрлах нь үр хүүхэд бүрийн сэтгэлийн гүнд оршдог сэтгэлийн ариун бөгөөд төрөлхийн мөн чанар юм. Тэр тусмаа ачит эцэг эхээ бурхан болоход бурхны шашинтан хүний хувьд, ямар төрөл авсан бол, хаана төрсөн бол, зовж яваа болов уу гэхчлэн санаа зовнидог билээ. Энэ ном бол тийм нэгэн хүүгийн түүх бөгөөд бодит түүх гэж үздэг. Модон болбоос гинж сэтгэлтэй айлын ганц хүү бөгөөд түүний эх Модон хатан амьд ахуй цагтаа асар хүнд нүгэл хилэнц үйлдсэнээр хамгийн хүнд тамд төрдөг ажгуу. Хүү нь эхдээ санаа зовнихын эрхэнд хамаг бүхнээ зарж тойн болж бясалгалд шамдан гүн нарийн бясалгалын аргаар өөрийн эхийг маш хүнд Аюуш тамаас төрлийн төрөлд дээшлүүлж биржээс адгуусны төрөлд дээшлүүлж адгууснаас хүний төрөлд төрөл дээшлүүлсэн ирүүлснээр эхийн ачийг аугаа ихээр бүтээжээ. Энэ сайхан түүхийг өнөөгийн залууст таниулах үүднээс эрхлэн хэвлэсэн бөгөөд дотор зургийг сургуулийн насны хүүхдүүдээр зуруулсан болно. Өнөө цагт энэрэн нигүүлсэх сэтгэлийг төрүүлэхэд нэн чухал ач холбогдолтой болно.