Бүх аавууд болон охидод зориулав. Зохиогчийн үгс: Намайг Сүүш гэдэг. Би Европт, одоо оршин байхаа больсон нэгэн улсад төрсөн. Ухаан орсон цагаасаа л элдэв юм зурж буддаг хүүхэд байлаа. 'Аав охин хоёр' цуврал зургийн санаа амьдралын минь хүндхэн үед төрсөн юм. Тухайн үед би төөрөлдсөн, эмзэг нэгэн болсон байлаа. Хүмүүс надад ирээдүйдээ ямар нэг чухал юм хийгээрэй гэж хэлэхэд нь би юу хийж бүтээхээ мэдэхгүй байв. Тэр үед би бүх зүйлсийг боломжтой болгож чаддаг тэрхүү лужир том биетэй, сайхан сэтгэлтэй, өр зөөлөн хамгаалагч Аав хүнийг оюун санаандаа олж харсан юм. Би түүнийг зориудаар бяцхан охиноос хамаагүй томоор зурсан. Учир нь охид аавыгаа тэгж л хардаг юм. Аавынх нь сахал надад эртний хүчирхэг ямар нэг сүрлэг зүйлийг санагдуулдаг юм... Энэхүү номын тухайд уг номын зургуудыг хөвсгөр цаасан дээр усан будгаар зурсан болно.