Хүн төрөлхтөн шинэ эриний босгоор алхан ороод удаагүй байна. Дэлхийн түүхийг өгүүлэх өнгөрсөн зуу зуун жилийн туршид алив бүхнийг арга билгээр шийдэх Загасны эрин /дуусаж буй үе/ тохиож байсан юм. Энэ бүх цаг хугацааны турш бид бүхнийг гаднаас нь судалдаг, харагдаж үзэгдэж байгаа зүйлсийн гадаад байдалд л ач холбогдол өгдөг байлаа. Иймээс л эд баялгийн төлөө дайтаж, хүчтэй нь хүчгүйгээ ялан дийлж, олзлон боолчилж, махан бодийн зугаа цэнгэл хайн амьдарч байсан хүн төрөлхтөн бумбын эринд шилжин орсноор юу өөрчлөгдөх вэ? Бид цаашид аргаар бус билгээр амьдарна гэсэн үг. Тодруулж хэлбэл алив бүхнийг дотроос нь шинжилж, зүрх сэтгэлийнхээ мөн чанарыг тэмтэрч, хүн хүндээ дайсан бус нөхөр байж амьдарна гэсэн үг юм. Бидний гараг дэлхий бүү хэл нарны аймаг маань бүхэлдээ галактикийн тоосонцор бүхий ханцуй руу гулсан орж өмнөх гурван хэмжээст оршихуйгаас огт өөр олон хэмжээст оршихуй руу алгуур шилжиж буйг гадна дотнын эрдэмтэд, одон орончид судлаад гаргачихсан баримт хаа сайгүй байна.