Сурын харваа нь монгол түмний уламжлалт өв соёл, үндэсний бахархал, эрийн гурван наадмын нэг төдийгүй биеийн тамир спортын нэг онцгой төрлийн хувьд бэлтгэл сургуулилалт, сургалтын шинжлэх ухааны онолын үндэстэй, тогтсон арга зүйтэй байх шаардлагатай юм. Манай залуу харваачид гол төлөв харваач өөрийн аав, ээж, ах, эгч болон ахмад туршлагатай бусад харваачид, мэргэчүүдийн уламжлан эзэмшиж ирсэн харвааны арга туршлага, мэдлэгэд тулгуурлан дагалдан суралцаж байна. Зарим аймаг, дүүрэгт сурын харвааны секц, дугуйлан ажилладаг боловч шинжлэх ухааны үндэстэй онол арга зүйн сургалт, сурах бичиг, гарын авлага дутагдалтай байна. Уг номыг мэргэн харваач болохыг зорьж байгаа болон сурын харвааны онол арга зүйн мэдлэгээ дээшлүүлэхийг хүсч буй бүх хүмүүст зориулан бичжээ. Ном нь сурын харвааны бэлтгэлийнүндсэн бүрэлдэхүүн хэсгүүд, Сур харвах явцад гардаг алдаанууд, тэдгээрийн шалтгаан, засах арга зам, Сурын харвааны хөдөлмөр хамгаалал, аюулгүй ажиллагаа, Нум, сумын тохиргоо гэсэн 4 бүлгээс бүрдэнэ.