Зүрхний цахилгаан бичлэгийг эмнэлзүйд хэрэглэх
Зохиолчийн бусад номууд
Ихэвчлэн хамт авдаг
Санал болгох
Танилцуулга
Манай улсад өвчлөл, нас баралтын түвшингээр тэргүүлэх байр суурийг эзэлж байгаа зүрхний шигдээс, титэм судасны архаг ишеми өвчин, хэм алдагдал зэрэг зүрх судасны эмгэгүүдийг оношилдог зүрхний цахилгаан бичлэгийн арга нь хамгийн энгийн, өртөг багатай бөгөөд үнэ цэнэтэй арга хэвээр байгаа билээ.
Орчин үед тайван үеийн зүрхний цахилгаан бичлэгээс улбаатай Холтерийн мониторинг, зүрхний ачаалалтай бичлэг, зүрхний электрофизиологийн шинжилгээ гэсэн оношилгооны шинэ аргууд манай эмнэлгийн практикт нэвтэрч байгаа нь энэ талаарх бидний мэдлэгийг гүнзгийрүүлэх шаардлага хэрэгцээг бий болгож байна.
14 бүлэг бүхий 250 гаруй хуудастай энэхүү бүтээл нь зүрхний цахилгаан бичлэгийн оношилгооны аргын тухай шинжлэх ухааны онолын үндэслэлтэй дэлгэрэнгүй өгүүлснээс гадна Холтерийн мониторинг, зүрхний ачаалалтай бичлэг, зүрхний электрофизизиологийн шинжилгээ, шинэ үеийн пейсмейкер, кардиоверси, абляци эмчилгээний талаарх суурь ойлголтуудыг оруулж өгснөөрөө шинэлэг бөгөөд бусад бүтээлээс давуу талтай болсон.
Тус ном нь урьд нь “Эмнэлзүйн зүрхний цахилгаан бичлэг” нэртэйгээр хэвлэгдэн гарч байсан бөгөөд шинэ орчин үеийн оношлогоо, эмчилгээний талаар нэмж оруулснаараа өмнөх бүтээлээс илүү дэлгэрэнгүй сайн бүтээл болсон.
“Зүрхний цахилгаан бичлэгийг эмнэлзүйд хэрэглэх” ном нь өрхийн, дотрын, зүрх судасны, яаралтай тусламжийн, резидент эмч, оюутан нарт чухал хэрэгцээтэй гарын авлага болно гэдэгт итгэлтэй байна.
Үзүүлэлт
- ISBN-13 : 9789919019938
- Худалдаанд гарсан огноо : 2024-01-10
- Формат : Зөөлөн хавтастай
- Нүүрний тоо : 246 нүүр
- Бүтээлийн хэл : Монгол
- Жин : 450 гр
- Хэмжээс : 245 x 175 x 15 мм
| ISBN-13 | 9789919019938 |
|---|---|
| Худалдаанд гарсан огноо | 2024-01-10 |
| Формат | Зөөлөн хавтастай |
| Нүүрний тоо | 246 нүүр |
| Бүтээлийн хэл | Монгол |
| Жин | 450 гр |
| Хэмжээс | 245 x 175 x 15 мм |
Зохиолчийн талаар
Цэдэнсодном овогтой Жаргалсайхан нь Улсын Хоёрдугаар Төв Эмнэлгийн дотор, зүрх судасны эмч.
МУ-ын дотор, зүрх судасны “Зөвлөх эмч”,” Клиникийн профессор” Удирдахуйн ухааны болон АУ-ны магистр, докторант
Дотор судлал, зүрх судасны мэргэжлийн чиглэлээр
-2006 онд ”Зүрхний хэт авиан оношлогоо” 14 хэвлэлийн хуудас номыг анх удаа монгол хэлээр,
-2011 онд “Эмнэлзүйн зүрхний цахилгаан бичлэг” 25 хэвлэлийн хуудас, -2010 онд “Антибиотекийн зөв хэрэглээ” 8 хэвлэлийн хуудас,
-2015 онд “Зүрхний цочмог шигдээсийн менежмент ” 23 хэвлэлийн хуудас, “Бөөрний эмгэтэй өвчтөнөөс шинжилгээ авах аргууд” ,
-2023 онд “Эмнэлзүйд зүрхний цахилгаан бичлэгийг хэрэглэх” 25 хэвлэлийн хуудас, УХТЭ-ийн “Оношлогоо, эмчилгээний удирдамж” гэх зэрэг хэд хэдэн ном, гарын авлага, зөвлөмжүүдийг дотор, зүрх судасны эмч, судлаач, резидент эмч, оюутан нарт зориулан гаргасан.
2009 онд Монголд “Перлингинат” эмийг эмчилгээний практикт анх удаа, 2012 онд Монголд анх удаа “Натри ялгаруулагч пептид” оношлогооны маркерийг эмнэлзүйн практикт анх нэвтрүүлсэн.
Монголын оюуны өмчийн газраас зохиогчийн эрхийн гэрчилгээг “Перлингинат эмийг эмчилгээний практикт хэрэглэсэн нь” , “ Натри ялгаруулагч пептидийг эмнэлгийн практикт нэвтрүүлсэн”, “ Зүрхний хэт авиан оношлогоо”, “Эмнэлзүйн зүрхний цахилгаан бичлэг”, “Зүрхний цочмог шигдээсийн менежмент ”, “Зүрхний цахилгаан бичлэгийг эмнэлзүйд хэрэглэх” бүтээлээр тус тус “Монгол улсын зохиогчийн эрхийн гэрчилгээг авсан.
Дотор, зүрх судас судлалын чиглэлээр багшаар ажиллаж, АШУҮИС-ийн оюутан, резидент болон УХТЭ-ийн резидент эмч нарт онолын болон дадлагын хичээлийг удирдан ажиллаж, багшилж байна.
МЭМАҮЭ-үүдийн холбооны улсын шилдэг эмч шалгаруулах “АЛТАН ЧАГНУУР” шагналын “Дотор судлал”-ын чиглэлээр “Алтан чагнуурын эзэн” 2014 оны “ШИЛДЭГ ЭМЧ”-ээр , Германы Денк фармын шилдэг эмч шалгаруулах “Эрүүл мэндийн тусламж үйлчилгээний чанар, үр дүнг сайжруулж, цар хүрээг өргөжүүлэхэд мэргэжил нэгтнүүдээ манлайлан ажилласан” номинацийн 2021 оны “ШИЛДЭГ ЭМЧ”-ээр шалгарч тус тус шагнагдсан.
Хэрэглэгчийн сэтгэгдэл
Сэтгэгдэл үлдээх
Хэрэглэгчийн сэтгэгдэл байхгүй