Ариун гэсэн болгон ариун байдаггүй, зөв гэсэн болгон зөв байдаггүй. Андуурч, эндүүрсэн явдал амьдралд өчнөөн тохиолддог. Үүнийгээ мэдсэн ч хэвшмэл ойлголтоосоо гарч чадахгүй гацах нь олонтоо. Учир нь хэмжээс, үнэлэмжин дээрх алдаагаа хүн анзаардаггүй. Энэ л хэмжээсдээ хүлэгдсээр хорвоог бардаг. Нөгөө алдаатай юман дээрээ ургуулж бодон улам л төөрөлдөнө. Дахин, дахин нягталж үзлээ, гэтэл урагшилдаггүйн учир юу билээ хэмээн гайхшаа барах ажгуу.
Тэгэхээр аль нэг шашны золиос болчихгүйн тулд өөрийгөө хамгаалж сурах хэрэгтэй байна. Шашнаар нэгэнт програмчлагдвал түүний бүхий л зүйл зөв юм шиг санагддаг. Учир нь шашин бол хүний оюун бодол, зан суртахууныг програмчилдаг зүйл. Иймээс шашныг дутуу үнэлэх хэрэггүй. Хүмүүс голчлон соёл, урлагийн нэг жанр мэтээр ойлгодог нь том эндүүрэл юм.
Амьдрал зөрчлөөр дүүрэн байдгийг бид өөрсдийнхөө туршилгаар ч мэднэ. Зөвийг хиймээр байвч олон зүйл дээр бурууг үйлддэг. Иймэрхүү зүйлс нь таны далд ухамсар хэрхэн програмчлагдсан бэ гэдгээс голчлон хамаараад байгаа болохоор хүсэл дангаараа хангалтгүйтэй холбоотой.
Энэ бүгдийг энэ номноос уншиж мэдэн өөрийгөө та чөлөөлөх болтугай. Шашин шүтдэггүй юм чинь надад хамаагүй юм байна гэж бүү бодоорой, эргэн тойрныхоос чинь шалтгаалан ихэнх нь бас тийнхүү програмчлагддаг тул бүгдэд нь хамаатай сэдэв юм шүү.