Цуврал дахь бусад номууд
Зохиолчийн бусад номууд
Ихэвчлэн хамт авдаг
Санал болгох
Танилцуулга
Уг бүтээл нь хүн амины “бодит гэмт хэрэг”-ээс сэдэвлэсэн зохиол хэдий ч харгис хэрцгий өрнөлтэй, айдас хүйдэст автуулам үйл явдлуудаар баяжуулаагүй юм. Зохиолч мэдээллийг тэнцвэртэй цуглуулж, үнэн мөнийг хайх явцдаа тулгарсан саад бэрхшээлийг сонирхолтой, егөөтэй өгүүлснээс гадна агуулгын хувьд шүүх ажиллагаа, мэргэжлийн ёс зүй, хүний мөн чанар, нийгмийн хандлага зэрэг өргөн цар хүрээг хамарчээ. Аливаа асуудлыг үнэн бодитой үнэлж дүгнэхээр хүмүүстэй уулзаж ярилцан, сурвалжилж, тал бүрээс нь задлан шинжилсний эцэст мэргэжлийн сэтгэл зүйч төдийгүй мөрдөн шиг гайхалтай ажиллаж туурвисан баримтат бүтээл юм. Гэхдээ хүүрнэл зохиолын хэв маягаар бичсэнээрээ уран зохиолын бүтээлд зүй ёсоор тооцогддог.
Зохиолд дурдагдах сэтгүүлчийн увайгүй үйлдэл, аймшигт гэмт хэрэг манай нийгэмд ч тохиож буй зүйлтэй нэлээн төстэйн дээр сэтгүүл зүйн хөгжил, мэргэжлийн ёс зүй, түүгээр зогсохгүй гэмт хэрэгтэнд хандах нийгмийн хандлага, чиг баримжаа хаана явааг тольдож болно.
Үзүүлэлт
- ISBN-13 : 9789919280741
- Худалдаанд гарсан огноо : 2023-11-30
- Формат : Зөөлөн хавтастай
- Нүүрний тоо : 240 нүүр
- Эрхлэн гаргасан : Монсудар хэвлэлийн газар
- Бүтээлийн хэл : Монгол
- Жин : 210 гр
- Хэмжээс : 180 x 115 x 16 мм
ISBN-13 | 9789919280741 |
---|---|
Худалдаанд гарсан огноо | 2023-11-30 |
Формат | Зөөлөн хавтастай |
Нүүрний тоо | 240 нүүр |
Эрхлэн гаргасан | Монсудар хэвлэлийн газар |
Бүтээлийн хэл | Монгол |
Жин | 210 гр |
Хэмжээс | 180 x 115 x 16 мм |
Зохиолчийн талаар
Жанет Малколм нь 1934 онд Прагад төрсөн бөгөөд 1939 онд гэр бүл нь нацистуудын дарлалаас зугтан Нью-Йоркод суурьшсан еврей гаралтай, америк зохиолч юм. Оюутан ахуйгаасаа л сургуулийнхаа эрхлэн гаргадаг сонин сэтгүүлд нийтлэл бичдэг байсан тэрээр 1963 оноос эхлэн Нью-Йоркэр хэмээх долоо хоног тутмын сэтгүүлд ажиллах болсон аж. Улмаар 1978 оноос тус сэтгүүлд гэр бүлийн сэтгэл зүйн сэдвээр сурвалжилга бэлдэж эхэлжээ. Тэр цаг үеэс л бичиглэлийн хэв маяг нь төгөлдөржин, өөрийн гэсэн өнгө төрхийг олж, “Психоанализ: Боломжгүй мэргэжил” (1981) (Psychoanalysis: The Impossible profession), “Фройдын архивт” (1984) (In the Freud Archives), “Сэтгүүлч ба алуурчин” (1990) (The Journalist and the Murderer) зэрэг номоо хэвлүүлсэн юм. Эдгээр бүтээлдээ психоанализийн арга техник, сүүлийн үеийн чиг хандлагыг дурдаж, зарим шинжээчийн онолыг шүүмжилсэн утга агуулгыг шингээсэн нь түүний эцэг, сэтгэл зүйч Йосеф Винерийн нөлөөлөл гэж таамагладаг.
Хэрэглэгчийн сэтгэгдэл
Сэтгэгдэл үлдээх
Хэрэглэгчийн сэтгэгдэл байхгүй