Латин Америкийн шидэт реализмын оргил бүтээлд тооцогддог “Педро Парамо” роман нь өвөрмөц бэлгэдэл, сэтгэл зүйн гүн гүнзгий эрэл, дүрслэлийн содон зүйрлэлүүдээрээ нэн онцлог юм. Домог түүхийн бодит болоод төсөөллийн зааг дээр туйлын нарийн дүрсэлсэн дүрүүд нь уншигчдыг чанадын ойлгомжгүй юм шиг орон зай руу хөтлөх явцдаа оюун ухаанд нь цоо шинэ сургаал номлож байдаг. Гол нь шидэт реализм гэдэг нь зөвхөн ид шидийн тухай бус амьдралд үнэмлэхүй ойр атлаа айдас, шаналлын давхцал дээр “өнгөрсөн, ирээдүй”-г нэг дор агуулсан сэтгэл зүйн өвөрмөц тогтолцоо гэдгийг илтгэдгээрээ тус бүтээл үнэхээр онцгой билээ.