Мөнхүү үед түүхийн он дараалсан бичгийг Монголын өмнөд хэсэг төдийгүй, Халхын нутагт ч зохиож байжээ. "Шар тууж" хийгээд Халхын түүхч Асрагчийн бүтээл бэлхнээ үүний нуталгаа болж байгаа юм. Асрагч нэрт түүхэн зохиолоо бичихдээ, Чингис хааны дээд өвгийн түүхийг хураангуйлж, улмаар Чингис хааны үеийн түүхийг өгүүлэхийг зорьсон байж болох юм... Харьцуулсан судалгааны явцад "МНТ"-ы 282 зүйлийн 90 нь ямар нэгэн байдлаар "Асрагч нэртийн түүх"-д тусгагдсан буй сонирхолтой баримтыг бид тогтоосон билээ... "Асрагч нэрт" түүхэн зохиолоо Хангайн нурууны Онгийн голын орчим зохиосон (хуучин Сайн ноён хан аймгийн төв хэсэг буюу одоогийн Өвөрхангай аймгийн хойд хэсэг) ажгуу.