Та Facebook, Twitter, Instagram, Snapchat-руугаа орж, үргэлжлүүлэн e-mail, мессежээ шалгаад дахиад л Facebook-рүү буцаж орсоор нэг л мэдэхэд хайран цагаа үр дүнгүй өнгөрөөснөө ухаарч байсан уу? Гарт чинь үргэлж утас атгаастай, ажил дээр ч, хурал дээр ч, гадуур хооллоход ч, бүр 00-ийн өрөөнд хүртэл та утсаа “дагуулж” ордог. Анхаарлаа төвлөрүүлээд ажлаа хийж байтал гэнэт утасны гэрэл асаж, Facebook-ээс дохио мэдэгдэл ирнэ. Ингээд анхаарал чинь хормын дотор сарниж, та утсаа шалгаж, бусдын зураг, нийтлэлийг уншсаар нэг мэдэхэд бүтэн цагийг өнгөрөөсөн байна. Үгүй ээ, би чинь ажлаа хийх ёстой шүү дээ! Та яг одоо гар утасныхаа дэлгэцийн цаг (screen time)-ийг хараарай. (Бараг 4-6 цаг болж байх болов уу). Гэсэн атлаа танд фитнест явах, гадаад хэл сурах, шалгалтад бэлтгэх, спортоор хичээллэх, гэр бүлийнхэнтэйгээ хооллох, найзуудтайгаа уулзах ч зав гарахгүй. Яг одоо утсаа далд хийгээд энэ номоор хамтдаа аялъя. Дээр дурдсан зүйл танд тохиож байсан бол та яг одоо өөрийнхөө утасны “Airplane” тохиргоог асаагаад #БүүСаадБол номыг тухлан уншаарай.