“Зүрхэнд агч Намур” нь зохиолч, яруу найрагч Цагаанчулуугийн Дэлгэрмаагийн гурав дахь шүлгийн түүвэр юм. Тэрээр өмнө нь “А тэмдэглэл” /2009/, “Дотоод тэнгис” /2014/ шүлгийн түүвэр, “Хөх мэдрэхүй шүлгийн цоморлиг” /2010/ хамтын бүтээл болон “Баавгай нэртэй шувуу, Бархас охин хоёрын түүх” /2021/ хүүхдийн бэсрэг тууж хэвлүүлсэн.

Зохиогч орчин цагийн хүнийшсэн нийгэм дэх хувь бодгалын ганцаардал хийгээд өөрийнхөө дотоодыг таньж мэдсэнээр мөн чанартаа орших, үнэнээ наманчлах, түүгээрээ дамжуулан ертөнцийг хэрхэн ухаарч буйгаа шүлгүүдээрээ дамжуулан өгүүлэхийг зорьжээ.