Цэл залуухан насан дээрээ эд баялагтай болох, хөрөнгөтэй болох товч дөт зам байдаг уу? гэсэн асуултыг тавьж энэхүү ном эхэлдэг.
Энэ асуултын хариултыг тус номоор зохиолч өөрийн амьдралын туршлага, өөрийн бизнесийн арга барилаараа харуулахыг зорьсон мэт.
Ганц л олдох амьдралынхаа сайхан бүхнийг яг одоо залуу байгаа дээрээ мэдэрч,таашааж сайхан амьдрах ёстой зохиолч их олон хуудсан дээр давтан давтан сануулсан байна.
18-40 насандаа, үүнээс ч эрт залуу насандаа эд баялагыг бүтээж сурах ёстойг мөн бүтээж чадна гэдгийг ч ойлгуулсан байна.
Эд баялагыг хурдан бүтээ.Удаан замаар явбал үхлээ хүлээх хүлээлгийн өрөө биднийг угтана гэдгийг тархинд буутал кэйс жишээ юутай гаргаж бичсэн нь үнэхээр юм бодогдуулж байлаа.
Үхлээ хүлээн эмнэлэгийн орон дээр хэвтэх 40-50жилийн дараах өөрийгөө харахад шээсэндээ хутгалдсан үмхий үнэр шингэсэн ийм өрөөнд хичнээн дансандаа хичнээн олон тэрбум төгрөгтэй байгаад мөнгө эрүүл болгосон ч, мөнгө чухал биш болсон байх болно гэдгийг хатуу хэрнээ үнэнээр буулгаж чадаж.Хөгширсөн хойноо тэрбумтан болоод энэ сайхан бүхнийг таашаахгүй болчихсон байхад мөнгө ямар чүнэ цэнэгүй болсон байх болно гэдгийг хатуу сануулсан байна.Харин хурдны замаар бид явбал 6 сараас 1 жилийн дотор бид эд баялагтай, хөрөнгөтэй болж чадна гэдгийг дурьджээ.
Биднийг одоо хүртэл баян болох гэж сурсан мэдсэн зөвлөгөө ойлголт бүхэн тус зохиолчын бичсэнтэй зөрчилдсөн эсрэг зөвлөгөө байдаг.Таны сурсан мэдсэн бүхний чинь эсрэг зөвлөгөө өгөхөөр таны мэдсэн сурсан бүхэн бүгд худлаа болохоор та яах бол? Энэ ном яг л тийм байдалд оруулдаг.Үнэхээр хүнд байдалд оруулна.Таны өнөөдрийг хүртэл сурсан бүхэн үнэхээр үнэн бол та яагаад ийм ядуу эсвэл ийм тааруу дундаж амьдраад байгаан юм бэ? гэдэг асуултыг өөртөө тавихад хүргэдэг.Одоо хийж байгаа бүхнээ, бас тархин доторх худлаа бүхэн маань биднийг дундаж амьдралд оруулсан гэдгийг сануулахыг зэрэгцээ, хурдны замд орох зөвлөгөөг өгч дундаж замаар явж буй хүмүүсийн эсрэг зөрчилмөөр зөвлөгөө өгч, энэ буруу замаас гаргаж илүү өөрөөр сэтгэх замруу биднийг хөтөлдөг.Бидний залуу насандаа эд баялагтай болоход мэдлэг, боловсрол, ажилын туршлага, харвардын эсвэл муис-н дипломтой байх, баян эсвэл ядуу гэр бүл өссөн ерөөсөө ч хамаарахгүй гэдгийг ч зохиолч дурьдсан байна.
Тэгээд яг юу хамааралтай гэж? Энэ асуултанд зохиолч маань хариулсан байна.
Залуу нас, зугаа цэнгэл, эрх чөлөө, эрүүл мэнд,гэр бүл,мөрөөдлөө биелүүлэх боломжийг энэ эрч хүчтэй залуу насныхаа жилүүдийг зохиолч (Алтан жилүүд гэж нэрлэж) залуу насандаа мэдэрч бид азжаргалыг авна гэжээ.
Өөрийнхөө амьдралыг гартаа авч, өөрийгөө болон амьдралаа өөрчлөх шийдвэрээ гарга гэдгийг ч мөн сануулж
Надаас цаг хугацаа шаарддаггүй, санхүүгийн эрх чөлөөнд хүргэх мөнгөний мод буюу хувийн бизнесээ босгож байж бид эд баялагтай болно гэдгийг сануулжээ. Орлого бий болгодог мөнгөний мод юу байдаг бол? Үүний хариултыг зохиолч маань өөрийн олж мэдсэн туршлагаасаа хуваалцжээ. Мөнгөний модны суулгац ? гэж яг юу вэ?
Нийгмээс ирэх сөрөг нөлөөллөөс хэрхэн өөрийгөө авч гарах мөн муу сөрөг нөлөөллөөс хэрхэн өөрийгөө хамгаалах тухай бас ...товч тодорхой өгүүлжээ.
Баяжихын тулд үйлдэх ёстой, хийх ёстой, мөн зөв сонголт хийх ёстой, дадал зуршилдаа ч анхаарах хэрэгтэй, зөв амьдрах ёстойг ч энэ номонд бичжээ.
Ганц олдох амьдралынхаа сайхан бүхнийг мэдэрч таашааж амьдар гэжээ.
Санхүүгийн зөвлөгч нар, санхүүгийн мэргэжилтнүүдийн өгдөг хамгийн шилдэг зөвлөгөө 30 жилийн турш хуримтлуулж, хөрөнгө оруулалт хийж, хэмнэж баян болох ёстой гэж зөвлөдөг зөвлөгч нар өөрсдөө хэзээ ч тэгэж баяжаагүй, таньд хэлээгүй өөр нууц аргаар тэд баяжсан байдаг гэдгийг зохиолч маань мөн тодотгосон байна.Мөн ээж, аавын зөвлөдөг сайн сурч, сайн дүн аваад ,сургуулиа сайн төгсөөд сайн ажилд ор гэж зөвлөдөг зөвлөгөөг ч бас зохиолч үгүйсгэн хамгийн муу зөвлөгөө гэдгийг тодотгосон байна.Дундаж хүмүүсийн, дундаж замаар явдаг хүмүүсийн зөвлөгөө дундаж л амьдруулдаг гэдгийг ч тодотгосон байна.
Энэ номд баян болон ядуу хүмүүсийн сэтгэлгээний 300 гаран ялгааг тодотгон бичсэн байна.Энэ номонд яаж баяжих бэлэн жор эсвэл ....жагсаалт бичээгүй, харин баяжихын тулд бидний сэтгэлгээ ямар хэмжээнд яаж сэтгээд байгааг тод харуулж, бид эхлээд мөнгөний талаарх итгэл үнэмшилээсээ эхлээд, хандлага, үзэл бодол...бидний тархинд байгаа худлаа хуурмаг зөвлөгөөнүүдээ шалгаж салах ёстойг сануулж, бас тэр зөвлөгөөгөөр яваад та сайжрахгүй байгаа бол тэр муу зөвлөгөөг хаях хэрэгтэй гэдгийг мөн хэлж, мөнгөтэй талаарх ихэнх номнууд хуурамч зөвлөгөө гэдгийг мөн тодотгожээ.
Коллежид сурахаар төлөвлөж байгаа, мөнгөө хуримтлуулж байгаад баяжина гэсэн бодолтой, эсвэл хэмнэж байгаад баяжина, 10,20 жилийн дараа саятан болно гэж бодож байгаа, эсвэл залуухан урам зориг дүүрэн юу хийхээ мэдэхгүй байгаа залуусын заавал унших ёстой чухал номнуудын нэг байна гэж санагдлаа.Мөн номын дундаас бизнестэй холбоотой зөвлөгөөнүүд нилээн их байдаг.Хэрхэн яаж бизнесийн шинэ санаа олж хөгжүүлэх, мөн асуудлыг хэрхэн яаж харах, мөн сонирхол хоббиндоо хөтлөгдөхөөр юу болдог, хэрхэн шинэ бизнесийн санааг хэрэгжүүлэх, яаж хэрэглэгчийн асуудлыг шийдэж мөнгө олдог тухай, мөн бизнесийн брендийг мартингаар биш, харин пиараар бүтээдэг гэдгийг ч давхар сануулжээ.Мөн өрсөлдөөнд хэрхэн тэсч үлдэх, яаж өрсөлдөөнөөс гарах, мөн хэрхэн бусдаас ялгарсан брендийг бүтээх тухай ч бас дурьджээ.
Амьдралын ядуу, дунд, баян давхаргыг аялалын замаар адилтгаж бичсэн нь мөн тэдний сэтгэлгээний ялгаануудыг тус тус ч ялган гаргаж бичсэн мөн тун сонирхолтой байлаа.
Ядуу хүний зам-Явган хүний зам
Дундаж хүний зам-Удаан зам
Баян хүний зам-Хурдны зам гэж хувааж тус тусад ялгааг нь тайлбарлан бичжээ.
Удаанаар баяжих замаар явсанаар бидэнд ямар аюулууд тулгардаг талаарч мөн дурьджээ.
Мөн бас нэг сонирхолтой зүйл нь бид удаан замаар явбал ямар байдал хүрэхийг цаг хугацаагаа нь харуулж тайлбарласан байгаа нэгийг бодож хоёрыг тунгаахад хүргэдэг.
Хичнээн их орлого ихтэй, мөнгө их олдог байгаад ч баян болохгүй гэдгийг сануулахыг зэрэгцээ санхүүгийн сахилга бат , санхүүгээ зөвөөр удирдах сурах хэрэгтэй гэдгийг онцгойлон анхааруулжээ. Эд баялаг бол танд залуу нас, эрүүл мэнд, эрч хүч, урам зоригтай байх үедээ, хөгширч бууралтаагүй байгаа дээрээ та амьдралаас таашаал авах тухай юм гэдгийг онцгойлон анхааруулжээ.
Эд баялаг бол та амьдралынхаа оргил үед амьдрах юм, харин 40 жилийн турш, долоо хоногийн 50 цаг ажиллах ажил таны мөрөөдлийг үгүй хийсний дараа сүүдэрт амьдрах амьдрал бол эд баялаг биш.Бидний үргэлж мартаад байдаг цаг хугацаа бүхнээс илүү үнэ цэнэтэй гэдгийг дахин бас сануулж өгчээ.Амралтын хоёр өдрийн эрх чөлөөний оронд таван өдрийн ажлын боолчлолын амьдралаар ихэнх хүмүүс амьдарч байгааг хатуухан сануулахын зэрэгцээ ийм хэмнэлд орохоор амьдралын ямарч сайхан бүхнийг мэдрэх мэдрэмжгүй болдогийг маш ноцтойгоор шүүмжлэн бичжээ.
Ганц жишээ:Программ хангамжийн инженерийн жилийн дундаж цалин 80 000$ доллар,1 сая доллар олоход зарцуулагдах жил 13 жил,1сая долларын хуримтлалтай болох жил 125 жил шаардлагатай гэдгийг зохиолч маань хатуухан шүүмжилжээ.